Xeerilaaliyaha qaranka oo deeq gaarsiiyay ardada aragga la'{SAWIRRO}

0
1318

Booqashada uu maanta ku tagay xeer ilaaliyaha guud ee qaranka mudane  Axmed Cali Daahir  dugsiga caruurta aragga la’ay wax ku bartaan ee Al basiir oo ku yaala degmada Waabari ee gobolka Banaadir ayaa waxaa ay ahayd mid uu ugu kuur galayay xaalada caruurtaas waxaana ku wehliyay booqashadiisa gudoomiye ku xigenka haweenka qaranka iyo gudoomiyaha haweenka gobolka Banaadir.

Mudane Axmed Cali Daahir ayaa markii uu halkaas garay waxaa u wada istaagay dhalinyarada aragga la’ee wax ka baratay Schoolkaas  kuwaas oo sacab ku soo dhaweeyay waxaana uu mid mid u gacan qaaday caruurta kadibna waxaa  uu kulan la qaatay maamulka xarunta oo uu ka dhagestay warbixin ku saabsan xaalada caruurta.

Xeer ilaaliyaha qaranku waxaa uu gaarsiiyay Iskuulka Al basiir deeq isugu jirta lacag cadaan ah buskut,kaluun gasacadeysan.timir iyo waxyaabo kale waxaana uu xeer ilaaliyuhu ku wareejiyay deeqdas maamulka Schoolka  isagoo warbaahinta qaranka kula hadlay goobta ayuu xeer ilaaliyaha qaranku ka warbixiyay booqashadiisa iyo waxyaabihii uu kala kulmay.

“Waxaan joogna iskuulka Al basiir ee indhoolayaasha runtii waxaan ku aragnay wax na farxad galiyay dhinac markii laga eego aad iyo aad noo farxad galiyay dhinac kale markaan ka eegnana na murug galiyay dadaal shaqsiyaad sameeyeen oo na farxad galiyaybaan aragnay runtii waxaa kaloo na murug galiyay sida dowladii iyo shacabkii Soomaaliyeed ee muxsiniinta ahaa ee kheyrka badnaa ay u dayaceen dadkaan”ayuu yiri xeer ilaaliyaha.

Mudane Axmed Cali Daahir ayaa waxaa uu sheegay in xafiiskiisu uu garab taagan yahay dadka danyarta ah si gaar ah dadka aragga la’dowladda iyo shacabka Soomaaliyeed ayuuna ugu baaqay in la caawiyo caruurtaan uu maanta booqday.

“Waxaan doonayaa in aan abiil u diro cid kasta oo Soomaaliyeed oo wanaga jecel oo kheyrka jecel xafiiska xeer ilaalintu waa xafiiska u dooda xaquuqda dadka tabarta yar oo ay ku jiran dadka cuuryamiinta ,agoonta ,waayeelka,dadka xanuunsan dhamaantood,mas’uuliyadiisana ay soo galeyso xaquuqda dadka indhoolayaasha runtii wajibkas waan ka gabinay mas’uuliyadeedana waan qaadaneyna xafiis ahaan iyo dowlad ahaanba”ayuu yiri mr Dahir .

11390022_851122221633947_6513197202721784738_n 11393023_851122144967288_8204089080598959429_n 11401064_851122181633951_3326337803163883289_n 11401119_851122104967292_5986072110910062774_n 11401132_851122254967277_624915997053051092_n 11425449_851122054967297_2298878326323806035_n 11426335_851122301633939_697307439069003440_n 11427228_851122021633967_6945023917168495756_n

SAWIR QAADAHA AXMED CALI KAAHIYE 

Did you like this? Share it:

LEAVE A REPLY

Please enter your comment!
Please enter your name here