Xildhibaan Carabow” Madaxweyne Farmaajo wuxuu ka dhabeeyay balladqaadkii Shacabka gobolka Banaadir,”

Xildhibaan Cabdulqaadir Carabow Ibaraahim ayaa sheegay in madaxweyne Maxamed Cabdullaahi Farmaajo uu ka dhabeeyay ballanqaadkii uu u sameeyay shacabka gobolka Banaadir ee ahaa in  Matalaad ku yeeshaan Aqalka Sare, iyadoo ay heli doonto Banaadir 13 kursi.

Xildhibaan Carabow ayaa sheegay shacabka in ay ogsoonaadaan cidda abaalka u gashay maanta.

“Waxaa noo cadaatay in madaxweyne Farmaajo uu ka dhabeeyay Ballanqaadkii uu noo sameeyay,shacabka Banaadirna waxaa nalaga rabaa in ay ogsoonaadaan cidda abaalka u gashay Maanta” ayuu yiri Xildhibaan Cabdiqaair Carabow.

Wuxuu hoosta ka xariiqay xildhibaanka in madaxweyne Farmaajo uu ka jawaabay cabashadii ay qabeen shacabka gobolka Banaadir.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa saxiixay qaraarkii Golaha Shacabka JFS ay usoo gudbiyeen ee ku aaddanaa Matalaadda uu Gobolka Banaadir ku yeelanayo Golaha Aqalka Sare.

Sidoo kale, Guddoomiyaha Gobolka Banaadir Ahna Duqa Muqdisho Mudane Cumar Maxamuud Maxamed (Cumar Filish)  ayaa soo dhoweeyey go’aanka taariikhiga ah ee uu Madaxweynaha Soomaaliya Mudane Maxamed Cabdullaahi Farmaajo ku saxiixay in Gobolka Banaadir Matalaad ku yeesho Aqalka Sare, iyadoo ay heli doonto Banaadir 13 kursi.

LEAVE A REPLY

Please enter your comment!
Please enter your name here