Xildhibaan Dhuxulow oo Caruurta Caseeyashaa hotelada ugu sameeyey Sandaqado ay ku shaqeystaan(Sawirro)

1
2177

 

Wax u qabashada bulshada kuwooda liita, so bandhiggidda dhibaatooyinka u baahan in wax laga qabyo iyo dhiiragelinta dadka kuwooda wax qabsan kara waa masuuliyad weyn oo u baahan in loo astaago kuna waajibta qof walba oo Soomaali ah.

Xildhibaan Musafa Sheekh Cali Dhuxulow, waa mudane ka tirsan Barlamaanka Federaalka Soomaaliya, waayadan dambe waxa uu si xoog badan ugu howlanaa arrimaha bini’aadannimada iyo dhiiragelinta dadka Soomaaliyeed ee wax qabsan kara, maanta hoteellada magaalada caasimadda ah ee Muqdisho ayuu ka hirgaliyey Sandaqado ay ku shaqeystaan caruurta waddooyinka magaalada Muqdisho ku Baalasha ama Caseeya Kabaha.

Sandaqada ayaa loo sameeyey nooc aad u qurux badan oo waxa ay ka kooban tahay, Laba Qaanad laba Kursi iyo halka ay lugaha  saaran lahaayeen dadka Kabaha loo Baalashayo, iyadoo halkii Sandaqadna ay ku shaqeysan karaan laba ka mid ah carruurta shaqooyinkaasi qabta.

Dadweynaha isugu yimada Hoteellada Muqdisho oo ay ku jiraan, siyaasiinta ayaa arrintan aad ula yaabay isla markaana soo dhoweeyey, waxeyna uga mahadceliyeen Xildhibaan Mustafa Dhuxulow oo had iyo jeer aad u dhiirageliya dhallinyarada Soomaaliyeed.

“waxaan aad ugu faraxsanahay in maanta Sandaqado ay ku shaqeytaan si ay noloshooda u dabaraan inaan siiyo tira badan oo carruur Soomaaliyeed ah gaar ahaan kuwa Kabaha magaalada ku Baalashta , waxaa ii suuragashay in milkiilayaasha hotellada Muqdisho ay iga ogollaadeen in howshaan aan ka hirgeliyo markii aan u bandhigay fikirka aan waday, waana uga mahadcelinayaa, taas ayaana qeyb ka ah in dadka Soomaaliyeed ay istaageeraan, aniga wax weyn ma qaban laakin dhiiragelin ayaan u sameeyey caruurta Caseeyeyaasha magaalada ka ahaa qaarkood, dadka Soomaaliyeed oo dhanna waxaa looga baahan in ay is caawiyaan” ayuu yiri Xildhibaan Mustafa Dhuxulow”.

Xildhibaan ayaa sidoo kale sheegay in Fishti ay ku shaqeysan doonaan caruurtaan oo labada subaxdii shaqeysa ay galabtii aadi doonaan Waxbarasho uu ugu talagalay, halka labada gelinka  dambe shaqeysana ay subaxdii aadi doonaan waxbarasho loogu talagalay, si mustaqbalkooda si wanaagsan loogu soo hagaajiyo.

Qaar ka mid ah Caruurta looga faa’ideeyey Sandaqaha ay ku shaqeysanayaan ayaa sheegay in arrintan ay lama-filaan ku noqotay aadna ay ugu faraxsan yihiin, maadaama ay heleen shaqo ay ku tashan karaan,  sidoo kalena loo sheegay in ay wax baran doonaan, waxa ay ku tilmaameen Xildhibaanka in uu buuxiyey booskii waalidkooda, mahad-weynna ay u hayaan.

Xildhibaan Mustafa ayaa dabayaaqadii bishii la soo dhaafay ee May, waxa uu ku caawiyey caruur Soomaaliyeed in Indhaha loo fiiqo, kuwaas oo aysan awoodin waalidiintooda in Isbitaalka ay geeyaan ilamahaasi, waxaana   uuna ku howlan  yahay ka  shaqeynta arrimaha bini’aadannimo oo ah kuwa ugu muhiimsan ee loo baahan yahay in masuuliyiinta  iyo shacabka Soomaaliyeed kuwooda  wax heysta in ay ka shaqeeyaan.

11 12 13 14 15 16

 

Did you like this? Share it:

1 COMMENT

  1. mustaf dhuxulow waa soomaali dhab ah oo jecel dadkiisa
    iyo dhulkiisa , dowlada soomaaliya waxaan ka codsaneynaa inay soo celiyaan wasiir dhuxulow oo ah injeneer soomaaliyeed oo jamacado sar sare kaga soo qalin jabiyay cariga london england

LEAVE A REPLY

Please enter your comment!
Please enter your name here