Xildhibaan Qaasim Cali Nuur oo Balcad lagu soo dhaweeyay

2478

Xildhibaan Qaasim Cali Nuur oo kamid ah musanayaasha baarlamaanka Soomaaliya ee ka soojeeda degmada Balcad ee gobalka Shabeellaha Dhexe ayaa gaaray degmada, ayadoo ay soo dhaweeyeen masuuliyiin iyo qeybaha bulshada ee degmada Balcad.

Guddoomiyaha degmada Balcad Maxamuud Maxamed Maxamuud ayaa ka mid ah dadkii soo dhaweeyay xildhibaankan oo lagu beddelay Alle ha u naxariistee Cumar Furdug oo ku geeriyooday qaraxii hoteelka Centeraal ee magaalada Muqdisho.

Gudoomiyaha degmada Balcad ayaa sheegay in maalin farxadeed u tahay maanta wuxuuna baarlamaanka iyo madaxda dowlada soomaaliya ugu mahad celiyay sida ay ugu ogolaadeen in xildhibaanka cusub loodhaariyo xilkaas.

“Maanta, maalin farxadeed ayay noo tahay farxadda aan ku soo dhaweeyneyno xildhibaankeena cusub xildhibaan Qaasim Cali Nuur ….Waxaa leeyahay ku soo dhawoow waxaana kugu soo dhaweeynaa degmada Balcad oo degmadiisa ah isagoo xildhibaan ah isagoo rabo in uu guto xaqa ay ku leeyihiin dadka reer Balcad:.

Xildhibaanka Qaasim Cali Nuur ayaa sheegay in uu u shaqeyn doono bulshada Soomaaliyeed si gaar ah dadka degmada Balcad ee uu matalo.

“Aad ayaan ugu farax sanahay in aan maanta imaado degmada Balcad anigoo xildhibaan ah aan deganaado aana ka dhax shaqeeyo degmada Balcad ee gobalka Shabeellaha Dhexe”.

Did you like this? Share it:

LEAVE A REPLY

Please enter your comment!
Please enter your name here