Xildhibaan Yaasiin Cabdi Seed: “Dastuurka waa la dhammaystirayaa ka hor 2016-ka”

941

Xildhibaan Yaasiin Cabdi Seed oo ka tirsan guddiga dastuurka ee baalrmaanka ayaa sheegay in howsha dib u eegista dastuurka ay dhammaan doonto ka hor sanadka 2016-ka oo la filayo in doorasho ay ka dhacdo waddanka.

Isagoo ku sugan magaalada Kampala ee dalka Uganda ayuu u sheegay VOA, in dhawaan la bilaabi doono dib u eegista cutubyada dastuurka qaarkood, kuwaas oo bud-dhig u ah qabashada howlo badan oo muhiim u ah in doorasho ay ka dhacdo waddanka.

Xildhibaanku wuxuu sheegay in sharciga axzaabta, dhismaha maamul-goboleedyada iyo dhammaytirka guddiyada madaxa bannaan ay yihiin kuwo aasaas u ah hiigsiga 2016-ka.

Sharciyo badan oo xiriir toos ah la leh doorashooyinka iyo dhammaystirka dastuurka ayaa horyaalla baarlamaanka federaalka ah, sidoo kale waxaa shaqo bilaabay guddiga madaxa bannaan ee dib u eegista dastuurka oo wada shaqeyn wanaagsan la leh guddiga dastuurka ee baarlamaanka iyo wasaaradda garsoorka iyo caddaaladda.

Did you like this? Share it:

LEAVE A REPLY

Please enter your comment!
Please enter your name here