Xildhibaanada Haweenka ah ee baarlamaanka oo la kulmay Ururada Haweenka

0
1261

Xildhibaanada Haweenka ah ee kujira Baarlamaanka Soomaaliya ayaa maanta Magaalada Muqdisho waxa ay kulan kula qaateen qaar ka mid ah Ururada Haweenka, kan Gobolka Banaadir iyo  Ururada bulshada rayidka, kaas oo looga hadlayay der-der gelinta kaalinta haweenka  ay ku yeelan karaa siyaasadda dalka.

Kulanka ayaa intii uu socday waxaa su’aalo lagu weydiiyay xildhibaanada Haweenka ah ee kujira Baarlamaanka Federaalka ah ee Soomaaliya su’aalahaas oo in tooda badan ku saab sanaa Awood siinta Dumarka Soomaaliyeed, ilaalinta Xaquuqdooda, in ay ka dhexmuuqdaan Hogaaminta siyaasadda iyo in shaqo loo abuuro gabdhaha ka soo baxa Jaamacadaha dalka.

Sacdiyo Cusmaan Geedi oo ku hadleysay magaca Haweenkii ka socday Ururada Bulshada rayidka ah ayaa Warbaahinta Qaranka u sheegtay in xildhibaanada maanta ay la kulmeen ay kala hadleen in shaqo loo helo Dumarka Soomaaliyeed iyo in ay ka dhexmuuqdaan Siyaasadda dalka isla markaana ay rajeynayaan in ay qodobadaas la dhaqan geliyo.

Guddoomiye ku-xigeenka guddiga kheyraadka ee baarlamaanka Soomaaliya Xildhibaan Sacdiyo Cumar Shegow  ayaa sheegtay in shirkan maanta uu muhiimad gaar ah u lahaa dhamaan kasoo qeyb galayaasha iyado sidoo kale sheegtay in dhamaan qodobadii ka soo baxay ay noqon doonaan kuwo la dhaqan geliyo

guddoomiyaha Golaha Haweenka ah ee baarlamaanka Soomaliya Xildhibaan Biibi Khaliif Maxamed oo ugu dambeyn la hadashay Warbaahinta Qaranka ayaa sheegaty in u jeedka kulanka uu ahaa dhiirigelinta haweenka iyo in markasta Dumarka Xildhibaanada ah ay diyaar u yihiin in ay soo dhiciyaan xuquuqda ay gabdhaha ku leeyihiin Dowladda,  isla markaana ay rajaynayaan in la dhaqan galiyo dhamaan qodobadii laga wada hadlay maanta.

 

 

Did you like this? Share it:

LEAVE A REPLY

Please enter your comment!
Please enter your name here