Xildhibaannada Golaha Aqalka Sare oo akhrinta 1aad marsiiyay Hindise Sharciyeedka Mihnadlayaasha Caafimaadka “SAWIRRO”

Xildhibaannada Golaha Aqalka sare Baarlamaanka Federaalka Soomaaliya ayaa maanta yeeshay kalfadhigii 5aad Kulankiisa 2aad kulanka waxaa shir guddoominayay Guddoomiye ku-xigeenka 1aad golaha Aqalka sare Abshir Maxamed Axmed Abshir Bukhaari ,

 

Ajandaha ayaa ahaa Akhrinta 1aad Hindise Sharciyeedka mihnadlayaasha caafimaad, Wasiirka Caafimaadka Xukuumadda Federaalka Soomaaliya iyo xubno ka mid ah howl wadeenada Wasaaradda ayaa golaha ku sugnaa ,

Wasiirka Caafimaadka Drs Fowsiya Abiikar Nuur ayaa faah faahin ka bixisay Hindise sharciyeedka mihnadlayaasha caafimaad iyo faa’iidada uu u lee yahay dalkeena Soomaaliya, iyadoo Xildhibaannada Golaha Aqalka sare ka codsatay inay meel mariyaan hindise sharciyeedkan.

Qaar ka mid ah senatarada Golaha Aqalka Sare ayaa su’aalo ka weydiiyay Wasiirka Hindise Sharciyeedka mihnadlayaasha caafimaadka, iyadoo Wasiirka ka jawaabtay su’aalaha qaar oo ay ku sheegtay in wax badan laga faa’iidayo oo xaga la xisaabtanka dhaqaatiirta ajaajibta ay kow ka tahay iyo ganacsiga dawada dalka la keeno iyo tayadooda.

kulanka ayaa waxaa soo xiray Guddoomiye ku-xigeenka 1aad Golaha Aqalka Sare Baarlamaanka Soomaaliya Abshir Maxamed Axmed Abshir bukhaari, wuxuuna sheegay in Guddiga uu quseeyo sharcigan lagu wareejinayo senataradana ay soo aqrisanayaan si looga doodo kulamada dambe ee Golaha Aqalka sare.