Xildhibaannada Golaha Shacabka oo akhrinta 1aad marsiiyay Sharciga Iibka Qaranka

Kulanka guuud ee Golaha Shacabka ee Baarlamaanka Jamhuuriyadda Federaalka Soomaaliya oo uu shir guddoominayay Guddoomiyaha Golaha Shacabka Mudane Maxamed Mursal Sheekh Cabdiraxmaan waxaa ugu horeyn looga hadlayay Akhrinta koowaad ee wax ka bedelka Sharciga Iibka Qaranka oo ay soo diyaarisay Wasaaradda Maaliyadda Xildhibaannadana horey loogu qeybiyay, waxaana Golaha u akhriyay Wasiirkii Maaliyadda Soomaaliya Dr Cabdiraxmaan Ducaale Beyle.

Maadaamaa sida xeer hoosaadka Golaha uu qabo in marka sharciga uu marayo akhrinta koowaad aanu Xildhibaannada uga furneyn wax dood ah, ayay Xildhibaanadu qaar xubnaha Wasaaradda Maaliyadda su’aalo ka weydiiyeen wax ka bedelka sharcigan.

Sidoo kale xubnaha Golaha Shacabka ayaa maanta loo qeybiyay sharciga dhismaha Guddiga Madax Banaan ee la dagaallanka musuq maasuqa.

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Maxamed Mursal Sheekh Cabdiraxman oo kulanka soo xiray ayaa ka hadlay muhiimada sharciga Iibka Qaranka uu dalka u leeyahay, sidoo kalena waxaa uu tilmaamay in sharci walba oo sameysmaya hadii wax ka bedel lagu sameynayo ay tahay marka hore in Golaha la marsiiyo, waxaana uu faray  in sharcigan lagu wareejiyo Guddiga ku shaqada leh, isagoo kaashanaya Wasaaradda ay dib Golaha ugu soo celiyaan si looga dooodo.

LEAVE A REPLY

Please enter your comment!
Please enter your name here