Xildhibaannada Haweenka Ah Ee Ku Jira Baarlamaanka Oo Muqdisho Kulan Ay Ku Yeesheen Kaga Hadlay Arrimo Kale Duwam

0
1168

 

Xildhibaannada Haweenka ee ku jira baarlamaanka Federaalka Soomaaliya ayaa kulan ay ku yeesheen magaalada Muqdisho, waxa ay kaga hadleen arrimo kale duwan oo la xiriira xaaladda dalka iyo qorshayaasha xildhibaannada ee horumarinta dalka.

kulanka oo waqti badan qaatay ayaa waxa ay kaga hadleen dagaalada ka socda xadka Dalkeena Soomaaliya uu la wadaago Ethiopia oo ay ku baaqeen in si deg deg ah looga fiirsado dagaalada islamarkaana Dowladda Ethiopia ay joojiso leynta dadka jilicsan oo ay ku tilmaameen mid xad gudub ku ah dadka iyo dalka.

Sidoo kale waxa ay ka hadleen Xildhibaanadaasi muhiimada ay leedahay haweenka iyo caruurta ka soo cararaya dagaalada Yemen in la caawiyo oo ay sheegeen in xil gooni ah ay iska saari doonaan caawimaada muwaadiniintaasi Soomaaliyeed ee dhibaatada la soo kulmay.

Xildhibaanad Rabiica Sh. Nuurow oo ka mid eheyd xildhibaanada haweenka ah ee kulanka ku yeeshay Muqdisho ayaa sheegtay in dhibaato ay ku tahay dadka Soomaaliyeed Darbiga Kenya ay ka dhisaneyso Xadka ay la wadaagto dalkeena oo ay sheegtay in labada Shucuub ee Soomaaliya iyo Kenya uu dhibaato ku yahay sidaasi darteedna ay ku baaqayaan in la joojiyo talaabadaasi.
 

Did you like this? Share it:

LEAVE A REPLY

Please enter your comment!
Please enter your name here