Xildhibaanno ka tirsan baarlamaanka oo Nairobi ugu soo gabo gaboobay sharciga maaliyadda

1619

Xildhibaanno ka tirsan Baarlamaanka Federaalka ah ee Soomaaliya ayaa magaalada Nairobi waxaa ugu soo gaba gaboobay kulan howleed ku saabsan dib u eegidda sharcigga Maaliyadda Soomaaliya, waxaana kulanka soo xiray safiirka Dowladda Soomaaliya u fadhiya dalka Kenya.

Kulanka oo socday muddo 12 maalin ah, ayna ka qeyb galeen 15 Mudane ayaa ayaa waxa looga hadlayay dib u eegidda sharcigga Maaliyadda Soomaaliya, waxaana kulanka hormuud ka ahaa Wasaaradda Maaliyadda ee dowladda Federaalka Soomaaliya.

Guddoomiyaha guddiga maaliyadda ee baarlamaanka Soomaaliya Xildhibaan Samaan Maxamed Sheekh Daahir oo kullanka kaddib la hadlay Warbaahinta Qaranka ayaa ka warbixiyay muhiimadda kullanka.

“Sharcigan wax wey ayuu ka tarayaa xafidaada hantida Ummadda iyo la dagaallanka musuq maasuqa , ka faa’ideysiga hantida Qaranka oo si shaqsi ama gaar ah si ka duwan sida loogu tala galay looga faa’iideysto ayuu wax weyn ka tarayaa sharcigan”ayuu yiri Xildhibaan Samaan.

Safiirka dowladda Soomaaliya u fadhiya dalka Kenya Danjire Jamaal Maxamed Xasan oo soo xiray kulanka ayaa u mahadceliyay mudanayaasha Baarlamaanka ee kulanka soo agaasimay, isagoo ugu hambaleeyay howsha ay u hayaan shacabka Soomaaliyeed.

“Waxaa halkaan lagu soo gagabeeyay qabyo qoraalkii Public Finance Management Act, runtii marka aad  fiirisid sharcigaan waa mid aad iyo aad u muhiim u ah,  waxaan rajeynaa hadii ale idmo marka Barlamanka la horgeeyo sida ugu dhaqsiyaha badan in  loo ansaxiyo”.ayuu yiri Danjire Jamaal.

 

By-Cumar Caaqil

Did you like this? Share it:

LEAVE A REPLY

Please enter your comment!
Please enter your name here