Xildhibaano ku baaqay in si deg deg ah loo joojiyo dagaalka ka socda gobolka Mudug

Xildhibaano ka tirsan Golaha Shacbka Barlamaanka Federaalka Soomaaliya ayaa baaq u diray dadka ku dagaalamaya deegnaanada  Afbarwaaqo iyo Towfiiq ee Gobolka Mudug.

Xildhibaan Axmed Maclin Fiqi iyo Xildhibaano kale oo ka tirsan Golaha Shacbka ayaa ku baaqay in sida ugu dhaqsiyaha badan loo joojiyo dagaalka kaasi oo waxyeelo kasoo gaaray gaartay dad rayid ah.

Xildhibaan Axmed Macalin Fiqi ayaa ugu baaqay Waxgaradka, Odayaasha iyo dhamaan Bulshadda qeybaheeda kala duwan ee gobolka Mudug inay u istaagaan sidii dagaalkaas loo joojin lahaa.

Xildhibaanadda ayaa sidoo kale ugu baaqay Dowladda Soomaaliya iyo maamul Goboleedka Galmudug inay kaalin ka qaateen sidii colaadaas loo joojin lahaa.

Deegaanada Afbarwaaqo iyo Towfiiq ayaa waxaa ku dagaalamaya beelo halkaas wada-daga dhowr jeer ayaana leysku dayey in dagaalka lajoojiyo.

Saraakiisha Ciidanka Xoogga ee gobolka Mudug ayaa qeyb weyn haatan ka qaadanaya sidii arrinta loo qaboojin lahaa.

Dad badan oo shacab ah ayaa ku dhintay dagaalka ka socda qeybo kamid Mudug halka kuwo kalena ku barakaceen.

LEAVE A REPLY

Please enter your comment!
Please enter your name here