Xiriirka Soomaaliya iyo Shiinaha

2328

Soomaaliya iyo Shiinaha waxaa la sheegaa in uu ka dhaxeeyo xiriir soo jiray boqollaad sanno, kaas oo lagu xasuusto in Soomaaliya ay aheyd waddankii ugu horreeyey ee African oo Shiinaha xiriir toos ah la yeesha.

Prof.Wang Xiaohia waa bare jaamacad ku taalla caasimadda dalka Shiinaha ee Begin waxaa uu aad u bartay taariikhda iyo xiriirka Soomaaliya iyo Shiinaha, wafuud ka socota dalalka Africa oo ay Soomaaliya ku jirto ayuu u soo bandhigay waxa uu ka garanayo xiriirka labada dalka iyo Shucuubtooda.

Prof. Wang Xiaohia ayaa sheegay in xiriirka Shiinaha iyo Soomaaliya uu soo bilowdey muddo laga joogo hadda Lix boqol iyo kontan sanno ka hor (650).

“Badmaaxe u dhashay Shiinaha oo Muqdisho yimid Lix Boqol oo sanno ka hor ayuu ka bilowdey xiriirka labada dal, waxaa toos u hirgalay iskaashi ganacsi oo labada shacab ah waxa ayna keentay in ay noqdaan dad si weyn isu dhexgala isla markaana horumar  ka sameeya iskaashigaas, dadweynaha labada dal ayaa safarro ku kala bixiyey Soomaaliya iyo Shiinaha, iyadoo badda loo marayey” ayuu yiri Prof. Wang Xiaohia

Prof. Xiaohia ka ayaa sheegay in keydka taariikhda Shiinaha ay ku qoran tahay in Soomaaliya ay tahay dalkii ugu horreeyey ee Xiriir saaxiibnimo iyo diblomaasiyaddeed la sameystay Shiinaha.

Waxa uu hoosta ka xariiqay in Kheyraadka koobaad ee Soomaaliya uu yahay halka ay Juqraari  ahaan uga taallo dunida iyo kheyraadka kale ee gudaheeda dhex ceegaaga.

Prof. Wang Xiaohia waxa uu xusay in barnaamijka horumarinta iyo iskaashiga Shiinaha Soomaaliya ay uga jirto safka hore sanadka 2021 ama qarniga 21-aad ee dunida, kaas oo lagu magacaabo Belt And Silk Road oo ka kooban afar qodob oo kala ah

  1. Nabad iyo taageeradeeda
  2. Iskaashi iyo Furfurnaan
  3. Wadajir dadweyne ama labada shacuur
  4. Iskaashi Dhaqaale, dhismo mashaariic wata iyo diyaarinta istaraatiijiyad weyn oo dhinacyada tiknoolajiyadda iyo dib u dhiska Soomaaliya

Dad badan aad uma garanayaan in Soomaaliya ay leedahay taariikhahaas fog ama dheer, waana midda bulshada caalamka ku abuurtay in Soomaalida ay u aqoonsadaan dad ka horreeya Afrikaanka kale.

Soomaaliya ayaana u diyaarsan jawi ay dunida oo dhan mar kale ku tusto wax wada qabsi buuxa, kana turjumaya nabad, iskaashi, dhaqaale wadaag, ganacsi iyo dhismeyaal mahsaariic xanbaarsan, taasoo dalkeenna u keeni doonta fursado waa weyn burburka ku badela dib u dhis wadata nabad iyo nolol.

Wareysigaan waxaa qaadey C/raxmaan Yuusuf Cumar (Cadaala), waxaana soo diyaariyey Feysal Muuse

 

Did you like this? Share it:

LEAVE A REPLY

Please enter your comment!
Please enter your name here