Xoghayaha joogtada ee Wasaaradda Arrimaha gudaha oo ka hadlay kulan ay la qaateen odoyaasha dhaqanka ee G/Sh/dhexe iyo Hiiraan “SAWIRRO”

4851

Xoghayaha Joogtada ah ee Wasaaradda arrimaha gudaha, guddiga fududeynta shirka maamul u sameynta Gobolada Hiiraan iyo Shabeelaha dhexe  iyo mas’uuliyiin ka socday urur goboleedka IGAD ayaa magaalada Jowhar kulan saacado qaatay oo looga hadlay dhismaha maamulka Hiiraan iyo Shabeelaha dhexe waxa ay la qaateen Hogaanka dhaqanka ee labada gobol

Mas’uuliyiinta dowladda Soomaaliya iyo kuwa IGAD ayaa dhegeystay aragtida salaadiinta iyo naboodoona labada gobol ee dhismaha dowlad goboleed loo dhan yahay.

Xoghayaha Joogtada ah ee Wasaaradda Arrimaha gudaha iyo Federaalka Pro Yaxye Cali Ibraahim  ayaa kulanka kadib waxa warbaahinta Qaranka ugu waramaya waxyaabihi diirada lagu saaray.

“Kulan saacado qaatay ayaan la qaadanay odayaasha dhaqanka, waxaana ugu hadleeynay sidii meesha ay wax u marayeen looga sii dhaqaajin lahaa, odayaashu waxa ay soo bandhigeen aragtidooda, waxaana ay ahaayeen kuwa xamaasadeesan oo doonaya dhismaha maamulka waxaan u jeedinaya inay soo qeyb sadaan xildhibaanada Barlamaanka waqti kooban waxaana u balanay kulan kale oo dhacaya talaadada Insha Allah”ayuu yiri Prof Yaxye Cali Ibraahim.

Xoghayaha joogtada ee Wasaarada Arrimaha gudaha iyo federaalka ayaa sidokale sheegay inay raja badan ka qabaan in waqti kooban lagu dhiso maamullka Gobolada Hiiraan iyo Shabeelaha dhexe.

‘’Raja wanaagsan ayaan qabnaa odayaashu waxa ay sheegeen in waqti kooban wax lagu dhiso karo, iyada oo la marayo nidaamki dowlad goboleedyada lagu dhiso”ayuu Xoghayaha Joogta ee Wasaaradda Arrimaha gudaha hadalkiisa ku daray.

vlcsnap-2016-09-11-15h01m15s159 vlcsnap-2016-09-11-15h02m06s188 vlcsnap-2016-09-11-15h02m31s157 vlcsnap-2016-09-11-15h03m53s239 vlcsnap-2016-09-11-15h04m42s179 vlcsnap-2016-09-11-15h05m40s29 vlcsnap-2016-09-11-15h06m25s223 vlcsnap-2016-09-11-15h08m51s137 vlcsnap-2016-09-11-15h10m02s83

Cabdishakuur Cali Axmed

 

Did you like this? Share it:

LEAVE A REPLY

Please enter your comment!
Please enter your name here