Xubno ka shaqeeya Arrimaha Bulshada oo Turkiga uga mahad celiyay taageerada Soomaaliya

0
1058

Ururo Soomaali ah oo ka shaqeeya Arrimaha Bulshada ayaa booqday safaaradda Turkigu ku leeyahay dalka Holand si ay mas’uuliyiinta safaaradda Turkiga uga mahad celiyaan doorka muuqda ee Turkigu ku leeyahay taageerada Shacabka iyo Xukuumadda Soomaaliya.

Faadumo Faarax oo u hadashay Ururka HIRDO oo ka shaqeeya Arrimaha Horumarinta iyo gargaarka ayaa mas’uuliyiinta safaarada Turkiga ee Holand ugu mahad celisay dadaalka lixaadka leh oo ay Dowladda Turkiga ku bixisay sidii loogu gurman lahaa dadkii waxyeellada ka soo gaartay Qaraxii Wuxuushnimada ahaa ee Argagixisadu 14-kii bishan  ka fulisay Isgoyska Soobe ee magaalada Muqdisho.

Sidoo kale, Faadumo Faarax ayaa sheegtay iney Muqdisho ku sugneyd xilligii uu dhacayay Qaraxii Soobe,islamarkaana ay goob joog u ahayd doorka muuqda ee Turkiga ku lahaa sidii loo caawin lahaa dadkii ay masiibadu haleeshay.

Dowladda Turkiga ayaa diyaarad gargaar caafimaad ah u soo dirtay Muqdisho halka tiro ka mid ah dadkii ku dhaawacmay Qaraxii Soobe loo qaaday dalkaasi si loogu soo daaweeyo.

Madaxweynaha Turkiga Receb Tayib Erdogan ayaa balan qaaday inuu si dhab ah u garab istaagi doono shacabka iyo Xukuumadda Soomaaliya si looga adkeeyo horumarada dalka ka socda.

Dowladdo badan ayaa ka soo jawaabay baaqii Dowladda ee ahaa inaan loo kala harin u gurmashada dadkii wax ku noqday Qaraxii 14-kii bishan ka dhacay Isgoyska Soobe.

 

Did you like this? Share it:

LEAVE A REPLY

Please enter your comment!
Please enter your name here