Xubno ka tirsan Al-qaacida oo lagu diley weerar ka dhacay Yemen

2466

Duyuurad nooca aan duuliyaha laheyd oo la rumeysan yahay in Mareykanka uu leeyahay ayaa bartamaha dalka Yemen waxaa ay ku dishay todobo kamid ah ururka Al-qaacida ee dalkaas ka howlgala, sida laga soo xigtay saraakiil amni.

Weerarka lagu dilay ragga ka tirsanaa Al-qaacidada jaziiradda Carabta ayaa waxaa uu ka dhacay deegaanka Al waadi ee gobolka Ma’rib oo ku yaala bariga magaalada caasimadda dalka Yemen ee Sanca.

Waxaa dhif iyo naadir ah in  Mareykanka uu sheegato mas’uuliyadda weeraro daraasiin ah oo ay fuliyaan duyuuradaha aan duuliyaha laheyd ee Drones oo laga fuliyo dalka Yemen kuwaas oo lala beegsado Al-qaacida.

Daacish iyo Al-qaacida ayaa ka faa’ideystay marnaanshaha xagga awooda ee dalkaas markii ay isku dhaceen dowladda Yemen iyo falaagada ay taageerto dowladda Iran, waxayna taasi keentay in awooda Al-qaacida ay ku balaarato qeybo badan oo dalkaas ka mid ah.

Dowaldda Mareykanka ayaa wacad ku martay in ay sii wadi doono howlgalada ka dhanka ah Al-qaacida ee dalka Yemen ee loo soo gaabiyo AQAP.

Sidoo kale, isbaheysiga Sacuudiga hogaamiyo oo taageera dowladda Yemen ayaa waxaa ay weerarada dhanka cirka ah  u weeciyeen goobaha ay ku sugan yihiin ururka AQAP.

Isbaheysiga ayaa weeraro dhowr ah oo ay ku qaadeen  ururka AQAP waxaa ay suurtagelisay in  lagala wareego magaalooyin urukaas uu gacanta ku hayay.

In ka badan 6,600 oo ruux oo shacab ah ayaa lagu diley weerarada ay fuliyeen isbaheysiga Sacuudiga hogaamiyo ee ka dhacayay dalka Yemen, tan iyo bishii Maarso ee sanadkii 2015, sida qaradamada midoobay aamisan tahay.

 

Did you like this? Share it:

LEAVE A REPLY

Please enter your comment!
Please enter your name here