Xubno ka tirsan golaha wasiirada oo booqday dad Yemen ka soo qaxay {SAWIRRO}

0
1669

Xarunta Jaaliyada Yemen oo ku taala degmada Shibis ee gobolka Banaadir isla markaana hadda Kam u ah dad isugu jira Yemen iyo Soomaali ka soo qaxay dalkaasi Yemen ayaa waxaa maanta maalintii labaad booqday xubno ka tirsan golaha wasiirada xukuumada Soomaaliya kuwaasi oo u kuur galaya nolosha dadkaasi ku noolyihiin isla markaana gacan weyn ka geysanaya caawintooda.

Wasiiru dowlaha wasaarada maaliyada xukuumadda Soomaaliya Cabdulaahi Maxamed Nuur iyo wasiir ku xigeen caafimaadka mudane Cusmaan Maxamed Cabdi daalo ayaa waxaa ay maanta booqdeen dadkaa danyarta ah iyadoo ay gaarsiiyeeen qidmad lacageed oo loogu talo galay in dadka soo qaxay mus qulo loogu dhiso iyagoo cabashooyin dhanka caafimaadka u badan ka dhageestay dadka kaamka ku jira.

Mudane Cabdulaahi Maxamed Nuur wasiiru dowlaha wasaarada maaliyada ayaa waxaa uu ka hadlay kormeerka ka dib duruufaha ay ku soo arkeeen kamka ay tageen isagoo bulshada ugu baaqay in loo gurmado dadkaasi.

“Run ahaantii waxaana ka muuqata halkaan daruuf adag yacnii markaad fiiriso dadka ku nool tiradooda iyo meesha ay ku noolyihiin waxaa ka muuqanaysa daruuf aad u adag,ma ahan meel bini aadan runtii uu mudo badan ku noolaa karo siba sibey dhaantaahe dadkaani waxay ka soo carareen meel xabad iyo ma garaneysaa dagaalo ka socdaan lkn hadana waxaa waaye daruufta hadda ay ku jiraan ma ahan daruuf runtii lagu daawan karo ummadda Soomaaliyeed waxaa lagu yaqaanaa in ay runtii gacan isi siiyaan garab isi siiyaan ay ma garaneysaa isi saacidaan waxan rajeynaa ummadda Soomaaliyeed inay dadkaan masaakiinta ah oo daruuftu keentay dalkii ay joogi jireen way ku ladnaayeen laakiin hadda halka ay yimaadeen xabad kuma socoto waa ka nabad galyo fiicantahay hadana waxaa waaye daruuf oo runtii waxay ku noolyihiin aad u adag , aadbey cid walba u taaban kartaa cid walbana way dareemi kartaa 100 qofood in ay hal musqul wada isticmaalaan waa wax runtii aad u adag oo iyada qudheeda nadaafadeeedu aad u liidato”ayuu yiri wasiiru dowluhu.

Dagaalada ka dhacaya dalka Yemen ayaa waxaa ay sababeen in boqolaal kun oo Soomaali dalkaasi horay qaxooti ugu ahayd iyo Yemeniyiin isugu jira ay iskaga baxsadaan kuwaasi oo tira badan oo ka mid ah ay dalka Soomaaliya u soo cararayaan dadkaasina waa kuwo gacan uga baahan bulshada Soomaaliyeed .

1 2 3 4 5

 

SAWIR QAADE AXMED CALI KAAHIYE 

Did you like this? Share it:

LEAVE A REPLY

Please enter your comment!
Please enter your name here