Xukuumadda oo guddi u magcaabdey baaritaanka dilkii Xildh Dirir

1280

Xukuumadda Federaalka  ee Soomaaliya, ayaa guddi soo  baara dilkii ALLAHA u naxariistee Xildhibaan Yuusuf Dirir Cabdi iyo dadkii kale ee dhacdadaasi ku geeriyoodey, waxaana guddigaasi la faray in sida ugu dhaqsiyaha badan ay jawaab uga keenaan.

Dikreeto ka soo baxdey Xafiiska Ra’iisul wasaaraha Soomaaliya, balse uu ku saxiixan yahay Ra’iisul wasaare ku xigeenka Xukuumadda, Mudane Maxamed Cumar Carte, ayaa  waxaa lagu magcaabay guddigaan Sagaalka Xubnood ah ee baarista ku soo sameynaya falkii lagu dilay Yuusuf Dirir Cabdi iyo dadkii kale, taasoo la sheegay in ay ka dambeeyeen xubno ka tirsan ciidammada Xoogga dalka Soomaaliyeed, xubnaha guddiga ayaana kala ah.

1-Dr. Axmed Cali Daahir   Xeer-ilaaliyaha guud ee Qaranka : Guddoomiye

2- Cor Cabdullaahi Xuseen Maxamed Xeer-ilaaliyaha maxkamadda Ciidammada Qalabka Sida: Xubin

3-Cor Xasan Sheekh C/samad hoggaanka Ciidanka Xoogga dalka Soomaaliyeed : Xubin

4-General Saciid Axmed Kadiye Taliyaha Hoggaanka baarista C.I.D. : Xubin

5-G/le Maxamed Xasan taliyaha hoggaanka Baarista NISA :Xubin

6-Xil. Daahir Amiin Jeesoow Gud: guddiga Amniga Barlamaanka :Xubin

7-Xil. Xuseen Carab Ciise Gud: guddiga Difaaca Barlamaanka :Xubin

8-Maxamed Xasan Faarax Lataliyaha sare sharciga X/R/W Soomaaliya: Xubin

9-Cabdullaahi Bashiir Cabdi-nuur Ag Amniga X/ Ra’iisul wasaaraha : Xubin

Xilka iyo Waajibaadka guddigan ayaa kala ah.

1-In ay warbixin horu-dhac oo ku saabsan baaritaankooda in ay keenaan xafiiska Ra’iisul wasaraha ugu dambeyn maalinta Jimcaha ee ay Tr tahay 29th May 2015.

2-in ay u gudbiyaan baaritaankooda Maxkamadda awoodda u leh.

3-in baaritaanka lagu soo gabagabeeyo laba todobaad oo la bilaabaneysa Tr Warqaddan

Waxaa ku saxiixan Ra’iisul wasaare ku xigeenka Xukuumadda Federaalka Soomaaliya, Mudane Maxamed Cumar Carte (Qaalib)

 

Did you like this? Share it:

1 COMMENT

  1. Waa in si deg deg ah maxkamadda la hot-geeyaa gacan-Ku dhiiglayaasha falkan waxshinimada ku kacay abaalkoodana waa in sida ugu dhaqsaha badan la marayaa.
    Caddaaladdu Wiaa inay shaqeysaa oo qof kasta nimuu doono ha ahaado waa in abaalkiisa la mariyaa
    Xildhibaan Dirir naxariistii janno ilaahey ha ka waraabiyo soomaali oo dhan inta wanaagga iyo wadajirka ummadda soomaaliyeed jecelna samir iyo iimaan ilaahey ha siiyo,aamiin.

LEAVE A REPLY

Please enter your comment!
Please enter your name here