Xukuumadda Soomaaliya oo cambaareysay weerarka argagaxiso ee lagu beegsaday kolonyo gargaar oo Imaaraati ah

1
1499

Magaalada Muqdisho. Wasaaradda Arrimaha Dibadda iyo Dhiirigelinta Maalgashiga ee Jamhuuriyadda Federaalka Soomaaliya waxa ay si adag u cambaareyneysaa weerarka argagaxiso ee lagu beegsaday maanta oo Arbaco ah ( 24 June) kolonyo gargaar Imaaraati ah Caasimadda Muqdisho , kaasoo sababay dhimasho iyo dhaawac dad rayid ah.

Waxaan cadeyneynaa in falkaasi dambiga ah oo loo adeegsaday gaari miineysan laguna beegsaday kolonyada xilli ay mareysay fagaaraha qaranka “ Tarabuunka” uu ahaa fal fuleynimo oo argagaxiso ah , marna ma qalqalin doono kalsoonideena, waxaanu qaadi doonnaa tallaabooyin wax ku ool ah oo ka dhan ah argagaxisada iyo aragtiyada lunsan ,

ma hakan doono geedi socodka nabadda iyo dib u heshiisiinta , iskaba daa ma hakan doono go’aankeena dabargoynta argagaxisada , waxaanu xoojin doonaa go’aankeena aan iskaashiga si adag ula sameyneyno saaxiibadeena caalamiga ah oo ay ku jirto Dowladda Isutagga Imaaraat-ka Carabta iyo Dowladaha kale .

Xukuumadda Jamhuuriyadda Federaalka Soomaaliya waxa ay si falgal ah oo xiriir ah ay ula shaqeyneysaa dowladaha saaxiibka ah , Ururada gobolka iyo caalamiga , si loo gaarsiiyo guud ahaan Soomaaliya kala dambeynta , qaanuunka iyo dowlad wanaaga .

Waxa aanu tacsi u direynaa qoysaska dhibanayaasha , waxa aanu cadeyneynaa inaanu si dhameystiran u taageersannahay Dowladda iyo Shacabka Isutagga Imaaraat-ka Carabta .

Xafiiska Qeybta Warbaahinta iyo Xiriirka Bulshada ee Wasaaradda

Section of Press and Public Relations

 

Did you like this? Share it:

1 COMMENT

  1. Waxaan odhon lahaa UGUS diin ma laha Qabiil ma laha dadnimo ma laha ee si todos ah iyo si dadbanba ha laga daba-tago meel kastay joogaan,dawladda federaalka iyo shacbiga soomaaliyeed waa inay iska qabtaan shayaadiintan dadka u eg ee bahalada ah.
    Waxaa loo baahan yahay in hey,adaha amniga sida booliska iyo Nisa dadweynuhu gacan ka siiyaan si loo cirib-tiro UGUS oo ummadda laga qabto dhibaatada ay Ku hayaan ummadda.

LEAVE A REPLY

Please enter your comment!
Please enter your name here