Xulalka Tunisiya iyo DR Congo oo u Soo Baxay Wareega Labaad ee Koobka Qaramada Afrika

0
705

Xulalka Tunisiya iyo DR Congo ayaa u Soo Baxay Wareega Labaad ee Koobka Qaramada Afrika,ka dib markii ku kala baxeen barbardhac 1-1 ah.

Labadan Xul oo ku wada jira Group-ka (B) ayaa soo baxay,ka dib markii ay bareejo isku mari waaye ciyaartii ay caawo wada ciyaareen magaalada Bata.

Xulka Tunisiya ayaa goolka la hor maray,waxaana qeybtii hore ee ciyaarta u dhaliyay ciyaaryahan Ahmed Akaichi,sidasi ayaana lagu kala nastay qeybtii hore ee ciyaarta.

Ciyaaryahan Jeremy Loteteka Bokila ayaa qeybtii labaad ee ciyaarta goolka barbardhaca u dhaliyay xulka DR Congo,waxana ay ciyaarta ku dhamaatay barbardhac 1-1 ah,taasi oo labada xulba u suura galisay in ay u soo gudbaan wareega labaad ee koobka qaramada afrika.

Xulka Tunisiya ayaa ku soo baxay kaalinta koowaad,waxana uu ku soo baxay shan dhibcood,halka xulka DR Congo uu ku soo baxay kaalinta labaad,isagoo ku soo baxay sedax dhibcood.

Xulalka Cape Verde iyo Zambiya ayaa haray koobka qaramada afrika,ka dib markii ay barbardhac gool la’aan ah ku kala baxeen.

Xulka Cape Verde ayaa sidoo kale lahaa sedax dhibcood,laakin goolasha laga dhaliyay ayaa ka badnaa kuwa laga dhaliyay xulka DR Congo,taasi ayaana sabab u aheyd in uu ka haro koobka qaramada afrika.

Did you like this? Share it:

LEAVE A REPLY

Please enter your comment!
Please enter your name here