Xuska dhalashada Nabi Muxamed NNKH oo lagu qabtay Columbus “SAWIRRO”

Xafladan oo ka dhacday mid ka mid ah goobaha ugu waaweyn magaalada Columbus ayaa waxaa ka soo qeybgalay Boqolaal Muslimiin ah oo Soomaali u badan, kuwaa oo ka kala yimid gobolada dalka Mareykanka.

Munaasabadan oo lagu weynaynayay dhalashada Nebi Muxamad NNKH ayaa waxaa Muxadarooyin ku aadan taariikhda suubanaha ka soo jeediyay Culimo caan ka ah Muslimiinta Maraykanka, Kuwaas oo ka kala yimid meelo kala duwan si ay dadka u gaarsiiyaan taariikhda iyo halgankii diiniga ahaa ee Islaamka uu soo maray.

Soomaalida Columbus Ohio oo intooda badan goobjoog ka ahaa ayaa la arkayay iyaga oo si weyn u soo camiray goobta, horayna u soo watay carruurtooda si ay ugu duwaan wadiiqada Islaamiga.

Inkastoo culumaa’udiin aad u badan ay  ka hadleen xaflada waxaa ka mid ahaa, Sheekh Maxamuud Guricel oo ka yimid  Dalka Sweden, Sheekh Saalax Macalin Cabdullaahi  oo ka yimid gobolka Misouri ee dalka Mareykanka, Sheekh  Yuusuf Maxamed Cabdi  oo ka yimid gobolka Kentucky

Dr. Maxamed Tarazi iyo Sheekh Jeremy Campion oo labaduba  ka tirsan Culumada Ohio. waxaase soo jiidtay dareenka iyo indhaha dadka, Ahmedburhan oo loo yaqaan  Ahmed Cadan oo ah wiil yar oo u dhashay dalka Mareykanka oo Islaamay isla markaana dhalashadii Nabiga  ku luuqeynayay Soomaaliga iyo English.

Ka soo qeybgalayaashii Munaasabada ayay culumadu kula dar daarmeen in ay xagsadaan, bartaan, kuna dadaalaan Cilmiga islaamigaa si looga gudbo caqabadaha diimaha ee calamka hareeyay.

Mudadii ay xafladu socotay waxa ay culumado soo bandhigeen qasiidoonyin Nabi amaan ah iyo Taariikho Islaamiya oo la xariira halgankii diinta uu Nabigeena u soo maray.

Xaflada noocan ah oo sanad walba la qabto waxaa ku tookaysta goboladda Ohio iyo Minnesota.

IMG_0033 IMG_0040 IMG_0059 IMG_0085 IMG_0126 IMG_0131 IMG_0163 IMG_0183 IMG_0189 IMG_0196 IMG_0208 IMG_0260 IMG_0264 IMG_0275 IMG_0280 IMG_0312 IMG_0330 IMG_0333 IMG_0342 IMG_0352 IMG_0380 IMG_0399 IMG_0402

Deeqosonna Warsame

 

LEAVE A REPLY

Please enter your comment!
Please enter your name here