Xuska maalinta carruurta Afrika oo Muqdisho lagu qabtay-Sawirro

0
1299

Munaasabadaan oo aheyd mid lagu xusayey maalinta carruurta Africa, isla markaana ay soo qaban qaabisay wasaaradda haweenha iyo xuquuqul insaanka Xukuumadda Soomaaliya ayaa waxa ka galay mudanyaal ka tirsan labada gole ee dowlada, aqoonyahano, haween dhallinyaro, arday iyo marti sharaf kale.

Waxaana madashi ay ka socotay munaasabadaasi riwaayado iyo heeso dhamaan qiiro galiyey dadki isugu yimid xaflada ku so bandhigay ardeyda dugsiga Qamar kuwaa o muujiyey sida ay carruurtu ugu baahan yihiin daryeel guud, ayna muhiimtahay in laga warqabo xaaladaha ay ku suganyihiin carruurta Soomaaliyeed.

Cilmi Cismaan  oo ka mid yahay carruurta araga la’a ee ka soo qeyb galay xafladaasi waxa u ka codsaday bulshada Soomaaliyeed iyo mas’uuliyiinta dowlada in ay ku dadaalaan waxbarshada iyo daryeelka carruurta, maadaama ay foodda nagu soo hayso bisha Barakaeysan ee Ramadaan.

Xildhibaan Maxamed Ismaaciil Shuuriye oo ka mid ah mudanayaasha baarlamaanka Soomaaliya ayaa xusay in shacabka Soomaaliyeed looga fadhiyo sidii ay ugu gurman lahaayeen carruurta Soomaaliyeed, isla markaana baarlamaanka uu dhankiisa diyaar u yahay taakuleynta carruurta.

Wasiir ku-xigeenka Wasaaradda Warfaafinta, dhaqanka iyo dalxiiska Mudane Cabdullaahi Colaad Rooble iyo Wasiir ku-xigeenka Wasaaradda Caafimaadka Cismaan Daallo oo goobta hadla ka jeediyay ayaa ka sheekeeyay muhiimadda maanta oo kale ay u leedahay carruurta Afrika, gaar ahaan carruurta Soomaaliyeed

Ku-simaha Wasiirka Haweenka ahna Wasiir ku-xigeenka Wasaaradda Haweenka iyo Xuquul insaanka Muumino Sheekh Xasan oo soo xirtay Munaasabadda ayaa tilmaaamay in carruurta Soomaaliyeed ay xilligan haysato dhibaatooyin xagga nolosha ah, loona baahanyahay in loo istaago sidii wax loogu qaban lahaa, ayna waalidinta ka codsaday in carruurta aan si qasab ah loogu guurgeyn.

Munaasabadda xuska maalinta carruurta Afrika ayaa ka dambeysay markii 16-kii June ee sanadkii 1976-kii arday u dhalatay dalka Koonfur Afrila lagu xasuuqay magaalada Suweeto ee dalkasi,  taasi oo loogu magac daray maanta oo kale inay noqoto maalinta carruurta afrika.

IMG_1658 IMG_1660 IMG_1667 IMG_1674 IMG_1675 IMG_1678 IMG_1687 IMG_1688 IMG_1690 IMG_1698 IMG_1699 IMG_1706 IMG_1709 IMG_1714 IMG_1719 IMG_1721

IMG_1723

W/D: Maxamed Macalim Xasan “White-ka”

Did you like this? Share it:

LEAVE A REPLY

Please enter your comment!
Please enter your name here