Maalinta dhir beerista qaranka oo Muqdisho lagu qabtay”SAWIRRO”

1885

Munaasabadaan lagu daah furay todobaadka dhirbeerista Qaranka Soomaaliyeed oo maanta ay ku beegan tahay Maalintii Qaranku u asteeyay ee 17-ka April ayaa waxaa lagu qabtay xarunta Wasaaradda Xanaanada, Xoolaha, Dhirta iyo Daaqa ee Soomaaliya iyadoo ay ka qayb galeen mas’uuliyiin ay ka mid yihiin ku-simaha Wasiirka ahna Wasiir ku-xigeenka Wasaarada Xanaanada Xoolaha, Wasiir ku-xigeenka Wasaaradda howlaha guud, Agaasimaha guud ee Wasaaradda Xanaanada iyo marti kale .

Darbiyada ayaa lagu xardhay boorar ay ku qoranyihiin halku dhigyo ka turjumaya muhiimadda dhirtu u leedahay Ummadda, iyadoo sidoo kale mas’uuliyiintu ay talaaleen dhowr geed .

Agaasimaha guud ee Wasaaradda Xanaanada, Xoolaha, Dhirta iyo Daaqa Maxamed Cumar Nuur oo ka hadlay munaasabadda ayaa sheegay in maalintani muhiimad weyn u tahay dalka, isla markaana looga baahan yahay bulshadu in ay ka faa’iideystaan oo ay dhir beeraan.

Wasiir ku-xigeenka Wasaaradda Howlaga guud iyo dib u dhiska ee Xukuumadda Soomaaliya Maxamed Cumar Geeddi oo ka mid ahaa mas’uuliyiinta ka qayb gashay munaasabada ayaa sheegay in uu ka qayb qaadan doono weyneynta maalintan, dhankiisana uu geedo ka talaali doono.

Wasiir ku-xigeenka Wasaaradda Xannada, Xoolaha, Dhirta iyo Daaqa ahna ku-simaha Wasiirka Mudane Cabdinaasir Gaarane Maxamed oo ugu dambeyntii ka hadlay munaasabada ayaa xusay muhiimada dhirta iyo sida loogu baahan yahay in laga wada qayb qaato xuskeeda, gudoomiyaha gobolka Banaadir ayuuna ugu baaqay in uu qaato doorkiisa in la dhireeyo gobolka .

“Qaranka Soomaaliyeed baa 17 April u asteeyay in ay noqoto maalinta dhir beerista sidaas darteed ayay tahay in la badiyo dhir beerista iyo in la badiyo ka faa’iideysiga dhirta, mawaadin kasta oo Soomaali ah waxaa xilka ka saaran yahay in uu geed talaalo waliba geed mirood “ayuu yiri Wasiir Gaarane .

Wasaaradda Xanaanada, Xoolaha waxaa ay ugu baaqday maamulada dalka ka jira in ay weyneeyaan maalintaan Qaranka, iyadoo mas’uuliyiintu ay sheegayaan in xuska uu socon doono muddo isbuuc ah .

vlcsnap-2016-04-17-13h45m40s238 vlcsnap-2016-04-17-13h46m27s209 vlcsnap-2016-04-17-13h47m15s178 vlcsnap-2016-04-17-13h47m27s41 vlcsnap-2016-04-17-13h47m45s223 vlcsnap-2016-04-17-13h48m09s179

Did you like this? Share it:

LEAVE A REPLY

Please enter your comment!
Please enter your name here