Yuusuf Dabadgeed: Hiiraan dhowaan howlgalo ayaa ka bilaaban doona

996

Kormeerkan ayaa waxaa hor kacayay guddoomiyaha cusub ee gobolka Hiiraan Yuusuf Axmed Hagar dabageed ayaa waxaa u jeedkiisa uu ahaa la socoshada xaaladaha amni ee tuulooyinka hoos yimaada magaalada Beledweyne ee xarunta gobolkaas.

Tuulooyinka ay kormeereen mas’uuliyiinta ayaa waxaa kamid ah Ceel Gaal, Bacaad, Jawiil iyo kuwo kale, sida uu warbaahinta qaranka u sheegay colonel Isxaaq Cali Cabdulle, taliyaha qeybta booliiska ee gobolka Hiiraan.

Guddoomiyaha gobolka Hiiraan, Yuusuf Axmed Hagar dabageed, ayaa sheegay in xaaladda deegaanadii ay kormeereen ay wanaagsan tahay isla markaana loo baahan yahay in amniga laga wada shaqeeyo.

Waxaa uu inta ku daray in shacabka gobolka looga baahan yahay in ay la shaqeeyaan ciidanka amniga si looga adkaado maleeshiyaadka Al-shabaab ee dhibaatada ku haya dadka shacabka ah.

“Gobolka Hiiraan howlgal ayaa ka socda oo ay wadaan ciidanka xoogga dalka iyo kuwa AMISOM, howlgalkaas waxaa la rabaa dadka reer Hiiraan in ay taageeraan oo caanaha iyo biyaha ka daba qaadaan ciidanka isla markaana daweeyaan kuwa dhaawacma,” ayuu yiri Dabageed.

Guddoomiyaha ayaa sidoo kale xusay in dadka oo dhan hal dhinac laga soo wada jeesto si loola dagaalamo Al-shabaab isla markaana dhibaatada looga baxo.

Did you like this? Share it:

LEAVE A REPLY

Please enter your comment!
Please enter your name here