R/Wasaare Rooble oo war ka soo saaray kiiska Ikraan Tahliil (Daawo)

Ra’iisul wasaaraha xukuumadda federaalka Soomaaliya Maxamed Xuseen Rooble ayaa ka hadlay kiiska Ikraan Tahliil Faarax, isagoo sheegay in warbixintii ay NISA ka soo saartay kiiskeeda aan lagu qanci karin, waxuuna faray Agaasimaha hey’adda Nabad sugidda Fahad Yaasiin in 48-saac gudahood uu ku soo gudbiyo warbixin dhameystiran oo ku saabsan kiiska Ikraan.

“Waxaan shacabka la socodsiinayaa in markii ay ii soo dhameystiranto xogta aan u baahanahay aan ka qaadan doono go’aanka ku haboon kiiskaas oo aan la wadaagi doono dhamaan shacabka Soomaaliyeed,” ayuu yiri Ra’iisul wasaare Rooble.

Ra’iisul wasaaraha ayaa sheegay in mudadii labada bilood aheyd ee kiiskaan uu taagnaa uu si dhaw ula socday arrintaan, isla markaana uu hey’adda NISA mar hore ka dalbaday in kiiskaas ay ka bixiso faahfaahin dhameystiran.

“Waxaan shacabka Soomaaliyeed ugu baaqayaa inay muujiyaan mas’uuliyad iyo deganaan lagana fogaado in la dhibaateeyo dad aan waxaba galabsan,” ayuu hadalkiisa ku sii daray Ra’iisul wasaare Rooble.

Hoos ka daawo