Kismaayo: Qarax sababay dhimasho iyo dhaawac oo argagixisadu ay la eegteen bus ay saarnaayeen cayaartooy

Qarax lala eegtay gaari bus ah oo ay saarnaayeen cayaartoyda kooxda JCCI oo ah koox ka dhisan magaalada Kismaayo ayaa goordhaw ka dhacay magaalada.

Wariyaha Warbaahinta Qaranka ee Kismaayo ayaa ku soo waramaya in gaarigu gabi ahaanba gubtay,  isla markaana uu jiro khasaare xooggan oo dhimasho iyo dhaawac ah oo gaaray ciyaartoydii bus ka saarnaana.

Ciyaartoyda waxaa ay ku sii jeedeen garoonka kubadda cagta, halkaa oo Madaxweyne ku-xigeenka Jubbaland uu ka daah furi lahaa galabta tartan u dhexeeya kooxaha magaalada oo ku saabsanaa isdhexgalka bulshada.