Safiirka Soomaaliya oo soo dhaweeyay koox Soomaaliyeed oo kubadda Kollayga uga qeyb galaysa Kenya “SAWIRRO”

7012

Danjiraha Soomaaliya u fadhiya dalka Kenya Jamaal Maxamed Xasan, danjire ku xigeenka ahna qunsulka guud iyo saraakiisha safaaradda ayaa maanta soo dhaweeyay koox Soomaali ah oo ka qeyb galaysa tartan kubadda Kolleyga ah oo ka dhacaya dalka Kenya.

Kooxdan ayaa ka timid Woqooyiga Ameerika, waxayna la ciyaari doonaan laba koox oo ka dhisan dalka Kenya, ayagoo sidoo kale Jimcaha la ciyaari doona kooxda Xulka kubadda Kolayga ee dalka Kenya. Cabdirashiid Xasan Xirsin Bakin,  oo  hoggaaminaya kooxdan ayaa tilmaamay in dhallinyaradan laga soo xulay dalalka Canda iyo Mareykanka isla markaana aysan ahayn xulka Qaranka Soomaaliya.

Macallinka Kooxdan, ayaa tilmaamay in dhallinyaradani ay tababar badan soo qaateen, qaarkood ay u soo ciyaareen xulka qaranka ee kubadda Koleyga, isla markaana uu rajaynayo in ay guulo ka soo hooyaan kulamada ay ku yeelan dalkan Kenya.

Danjiraha Soomaaliya ee Dalka Kenya, Jamaal Maxamed  Xasan ayaa sheegay in ay muhiim tahay in shacabka Soomaaliyeed ee ku nool dalka Kenya ay dhiirri galiyaan dhallinyardan, Sidoo kale wuxuu soo dhaweeyay in dhallinyaro Soomaaliyeed oo xirfad lihi ay soo baxaan kuwaas oo ka qeyb qaadan kara dib u soo celin karaan kaalintii ciyaaradaha ee dalka Soomaaliya.

Labada koox ee ugu korreeya horta kubadda Koleyga ee dalka Kenya ayay la ciyaari doonaan dhallinyaradani, ka hor inta aysan Jimcaha la ciyaarin xulka kubadda Kolayga ee dalka Kenya. Kaddib, dhallinyaradani waxa ay ku wajahan yihiin magaallada Muqdisho, halkaas oo ay kulamo kula yeelan doonaan kooxaha horyaalka kubadda Kolayga ee Soomaaliya.

IMG_8600 IMG_8606 IMG_8609 IMG_8610 IMG_8629 IMG_8632 IMG_8643

 

Did you like this? Share it:

1 COMMENT

LEAVE A REPLY

Please enter your comment!
Please enter your name here