Al-Shabaab waa u caado inay ku qubeystaan dhiigga shacabka sida biyaha oo kale

697

Argagixisada Al-Shabaab ayaa ku faanay falkii ay shalay ka geysteen Muqdisho, kaasi oo ahaa qaraxyo ay u adeegsadeen gawaari oo ay la bartilmaameedsadeen shacab aan waxba galabsan.

 

Qaraxyada ayaa dhacay xilli waddada KM4 ay ahayd mid saxmad ah oo dadka iyo gaadiidka dadweynuhu isaga kala gooshayeen, kuwaas oo u socdaalayay xaafadahooda maadaama ay ahayd casir liiq.

Gaarigaan wuxuu waday Shacab Masaakiin ah oo guryahooda u hoyaadayay laakiin Al-Shabaab ayaa Qarax ku baabibiyay oo dhiigooda dhulka ku qubay.
Gaarigaan wuxuu waday Shacab Masaakiin ah oo guryahooda u hoyaadayay laakiin Al-Shabaab ayaa Qarax ku baabibiyay oo dhiigooda dhulka ku qubay.

Sawirka gaariga idin muuqdo waa gaadiidka nuuca dadweynaha waxaa haleelay mid ka mid ah qaraxyadii ay shalay Muqdisho ka geysteen argagixisada Al-Shabaab, waxaana uu sababay dhimashada iyo dhaawac dad saarnaa gaarigan, kuwaasi oo isugu jiray carruur,  haween iyo rag, oo qaarkood ka yimid maalin joog oo ay eheladooda la soo qaadanayeen halka kuwa kale ay ahaayeen kuwa shaqooyinka ka soo laabtay oo u socday guryahooda.

Dhiigaan sida daadka oo kale u qubanaya waa dhiiga Shacabka oo ay xasuuqeen Al-Shabaab, xili Alle uu xaaraantinimeeyay daadinta dhiiga Muslimiinta
Dhiigaan sida daadka oo kale u qubanaya waa dhiiga Shacabka oo ay xasuuqeen Al-Shabaab, xili Alle uu xaaraantinimeeyay daadinta dhiiga Muslimiinta

Inta la ogyahay 20 qof oo aan waxba galabsan ayay waddada ku xasuuqeen halka kuwa kalena ay ku dhaawaceen maleeshiyaadka Al-Shabaab, waxaana muuqaalka sawirkan muujinayaa in waddada ay mar qura noqotay dhiig sida biyaha oo kale u qulqulaya, taasi oo ah ujeedka argagixisada inay biyo ahaan ugu qumeystaan dhiiga shacabka Soomaaliyeed ee aan waxba galabsan.

Waxay doonayeen inay shacab maato ah mid mid u toogtaan laakiin ciidanka amaanka ayaa dhagta dhiiga u daray
Waxay doonayeen inay shacab maato ah mid mid u toogtaan laakiin ciidanka amaanka ayaa dhagta dhiiga u daray

Sawirka idin muuqdo waa shan ka mid ah maleeshiyada Al-Shabaab oo ciidamada ammaanku ku toogteen banaanka kore ee Hote Saxafi, kuwaasi oo doonayay inay gudaha u galaan Hotelka, halka mid ka lixaad uu isku qarxiyay ilinka hore barkoontarool oo halkaasi ku tiilay, waxaana wadarta dhagar qabayaasha weerarka soo qaaday ay ahayeen lix ruux marka laga reebo labo kale ee isku qarxisay gawaarida lala eegtay goob dadku ay gaadiidka ka raacaan.

Argagixisada waxay sahay u soo qaadatay inay waqti sii noolaadan si ay u laayaan Shacab ka sii badan inta ay dileen, laakiin ciidanka ammaanka ayaa ka hortagay u jeedkooda
Argagixisada waxay sahay u soo qaadatay inay waqti sii noolaadan si ay u laayaan Shacab ka sii badan inta ay dileen, laakiin ciidanka ammaanka ayaa ka hortagay u jeedkooda

Meydkan waxa uu ahaa dhagar qabe ka tirsan Al-Shabaab oo watay sahay buskut iyo waxyaabo kale, isaga oo ujeedkiisu ahaa daadinta dhiigga Ummadda Soomaaliyeed, balse taasi waxaa gaashaanka u daruuray oo durbadiiba ka hor tegay ciidamada Ammaanka oo dhagar qabahan ku toogtay banaanka hore ee Hotel Saxafi.

W/D Maxamed Macalin Xasan

Did you like this? Share it:

1 COMMENT

LEAVE A REPLY

Please enter your comment!
Please enter your name here