Maamulka Degmada Xudur ee Gobolka Bakool oo guddiga xaafadda Shiidle ku wareejiyey dhismo ay ku shaqeeyaan “SAWIRR”

Guddiyada shanta xaafadood ee ka dhisan magaalada Xudur waxay si dhow ula shaqeeyaan maamulka dowladda Hoose ee Xudur oo ay kala shaqeeyaan nadaafadda deegaanka la socodka dadka xaafadaha soo dega iyo mid ugu weyn oo amniga kala qeyb qaataan laamaha amaanka, iyagoo baaritaanno ku sameeya dadka soogala magaalada, waxana si iskaa ah ay howlahaan u wadaan mudo ka badan 7 sano.

Maamulka Degmada Xudur ee Gobolka Bakool ayaa guddiga xaafada Shiidle ee magaalada Xudur ku wareejiyey dhismo ka kooban hal hool iyo laba musqulood oo hirgelisay Hay’ada ACF, kaasi oo ay horey uga codsadeen in loo dhiso hool si kulamada qaarka ah ee guddiga xaafadda ugu qabsadaan.

Ugu horeyn munaasadda waxa ka hadlay Madaxa Mashruuca Hormarinta Bulshooyinka ee British Cabdulaahi Xasan Aadan in maamulka iyo bulshada dadal badan geliyeen hirgelinta mashruucaan.

Qaar ka mid ah guddiga xaafada Shiidle ayaa ka mahadceliyey dhismada ay la wareegeen oo u noqon doonto rug ay ku kulmaan.

Wardheere Axmed Cabdi oo ah  xubin ka tirsan xafiiska dib u dhiska maamulka degmada Xudur iyo Guddoomiyaha degmada Xudur Maxamed Macalin Axmed oo hay’ada ACF u mahadceliyey ayaa dhinackale bulshada xaafadda Shiidle la dardaarmay inay ilaashadaan goobta lagu wareejiyay, ayna xoojiyaan la shaqeynta laamaha ammaanka iyo maamulka Degmada.

LEAVE A REPLY

Please enter your comment!
Please enter your name here