Maamulka Dhuusamareeb oo bilaabay dhismaha tog biyaha ka qaada magaalada “SAWIRRO”

Maamulka Dhuusamareeb ayaa bilaabay dhismaha Tog Biyaha ka qaadaya magaalada si loo yareeyo dhibaatada Biyuhu gaystaan xiliyada roobabka.

Toggaan oo Biyaha ka qaadi doona Bartamaha magaalada Dhuusamareeb ayaa Dhismihiisa waxaa bilaabay Maamulka Dhuusamareeb si looga gudbo caqabadaha ka dhasha xiliyada Roobabka oo Biyaha magaalada fariista Bulshadu caqabad ku qabto.

Mashruucaan ayaa noqanaya mid muhiima oo looga baaqsado qataro badan, iyadoo uu magaalada Biyaha si toosa uga saari doono Gaar ahaan dhanka Bari ee magaalada ayuu uga bixinayaa magaalada Biyaha.

Guddoomiyaha magaalada Dhuusamareeb Macalin Cabdiraxmaan Geeda-qorow ayaa ka warbixiya Howshaan oo ah mid fulinteeda in mudda ah lagu taamayey, balse hada Qabashadeedu suuragashay bilowna u noqan doonta ka gudbidda caqabado badan.

Maamulka Dhuusamareeb ayaa muddada uu jiray ku howlanaa fulinta mashruucyo bulshada iyo magaalada myhiim u ah, ayna ka mid yihiin dhismaha iyo dayactirka Jidadka.

LEAVE A REPLY

Please enter your comment!
Please enter your name here