Maamulka Isboortiga Gobolka Banaadir oo Muqdisho ku qabtay Shirwanaha Sanadlaha Isboortiga “SAWIRRO”

Maamulka Isboortiga Gobolka Banaadir oo Magaalada Muqdisho ku qabtay Shirwanaha sanadlaha Isboortiga  Goboolka Banaadir, kaas oo looga hadlay Howlaha Isboortiga u qabsoomay sanadkii tagay , Dhameystirka howlaha  bilaha sandkaan ka dhimman, Qorsho howleedka  2022.

Waxaana shirkan kasoo qeyb galay Xoghayaha  guud ee Maamulka Gobolka Banaadir, Xoghayaha Guddiga Olombikada Qaranka Soomaaliyeed , Maamulka Isboortiga Gobolka Banaadir oo ugu horreeyo Guddoomiye Mudane Xasan Yabarow Wiish iyo Guddoomiyayaasha Isboortiga degmooyinka Gobolka Banaadir .

Guddoomiye Isboortiga Gobolka Banaadir ayaa degmooyinka uga warbixiyay howlahii Isboortiga u qabsoomay iyo qorshaha dhammeystirka  Sanadkan oo ay qeyb  ka yahay Ciyaaraha Kubadda Gacanta degmooyinka Gobolka Banaadir  2021 oo  bishan September gudaheeda laqaban doono

Xoghayaha Guud ee Guddiga Olombikada Qaranka Soomaaliyeed Mudane Maxamed Cabdow Xaaji  oo goobta ka hadlay ayaa bogaadiyay howsha culus oo ay Maamulka Isboortiga Gobolka Banaadir hayan iyo guulaha uu Isboortiga iyo doorka Horumarineed ee uu Gobolka Banaadir ku leeyahay Isboortiga dalka .

Waxuuna ballan qaaday in guddiga Olombikada Qaranka Soomaaliyeed ay diyaar ula yihiin horumarinta Aqoonta  howladeenada Isboortiga iyo tababarada  guud ee  Isboortiga la xiriira  oo qeybo kale duwan leh.

Xoghayaha Gobolka Banaadir Mudane Xiirey Axmed Rooble aya dhankiisa tilmaamay in  Maamulka Gobolka Banaadir ay markasto diyaar u yihiin horumarinta dhallinayarda Gobolka Banaadir, si gaar ah Isboortiga oo laf dhabar u ah dhallinyarada, waxuuna guddoomiyaasha isboortiga ku bogaadiyay in ay howlahooda laba jibaaraan , Mamaulka Gobolkana uu  diyar ula yahay garab-istaag.