Wasiirka Haweenka oo ka qeyb gashay kulan looga hadlayay siyaasadda Waxbarashada Gabdhaha “SAWIRRO”

Wasiirka Haweenka iyo Horumarinta Xuquuqda Aadanaha Xukuumadda Federaalka Soomaaliya Xaniifa Maxamed Ibraahim ayaa maanta ka qeybgashay kulan looga hadlayat siyaasadda Waxbarashada gabdhaha iyo saameynta guurka deg deg ah ee Waxbarashada gabdhaha, kaas oo ay soo qaban qaabisay xarunta arrimaha haweenka ee Gaari Dumar ee magaalada Muqdisho.

Kulanka ayaa lagu lafo gurey muhiimadda ay leedahay siyaasadda Waxbarashada gabdhaha iyo dib ugu laabashada goobaha Waxbarashada gabdhaha guurka ku deg degay, isla markaana loo sameyn lahaa siyaasad cad oo arrintaas wax looga qabanayo.

Mas’uuliyiinta xarunta Gaari Dumar ayaa Wasiirka Haweenka iyo Horumarinta Xuquuqda Aadanaha Xaniifa Maxamed Ibraahim guddoonsiiyay billad Sharaf ay ku maamuseen shaqada Wasiir Xaniifa ay u qabatay haween weynaha Soomaaliyeed.